老婆沉迷狼人殺

[verse] 每日放工返屋企 畫面好似三幅被 我老婆坐喺笪地 準時IPad開局play 今晚放工返屋企 同平時一樣攰死 一打開門見到你 又準備開始打機 老婆沉迷沉迷 沉迷玩狼人殺 每晚都玩都玩 唔玩都要睇人玩 你輸咗會自閉 關心你會扭計 話我有碗都唔洗 咩都踩到你個制 其實我想同你傾偈 同你維繫維繫關係 想每晚一齊揀劇睇 慢慢一齊過成世 [chorus] 但你只記掛住 狼人殺會唔會輸 邊個銀水金水 開住speaker一輪嘴 個個講嘢好尖銳 但啲證據好濕碎 女巫唔一定係女 你最愛上警徽樓 一上玩到唔使唞 [verse] 以前放工返屋企 你會問我食飯未 一齊依偎睇睇戲 臨瞓幫我冚冚被 而家鬧我冇手尾 多過我行行企企 唯有專心減減肥 喺房度靜靜等你 老婆沉迷沉迷 沉迷玩狼人殺 每晚都玩都玩 冇人玩都要拉人玩 你贏咗會大笑 激動到成日尖叫 我都想一齊Feel 但我玩你又冇叫 十一點瞓係有啲早 除咗狼人殺冇咩做 但返工事想向你傾訴 可惜只有我獨自細數 [chorus] 老婆你只記掛住 狼人殺會唔會輸 邊個預言家守衛 廢村有冇我咁廢 個個講嘢好巴閉 一大聲講爆曬咪 玩完大家互送禮 你玩完都唔想走 一玩成晚唔使唞 [bridge] 老婆喂啊老婆啊 日日玩咁心散 又唔係有錢賺 好耐冇一齊食飯 晚晚玩到咁晏 同我出街就是但 老婆喂啊老婆 日日掛住玩有團火 我知有時係我手多 我摸都只係想你理我 所以我寫咗呢着歌 喺房入面默默播 [outro] 天光喇，請開眼 開咗幾局做狼冇得揀 希望你唔好嫌我煩 我只可以咁期盼 聽晚會被老婆揀 天黑喇，請閉眼 老婆夠鐘一齊瞓喇 [bridge] 老婆喂啊老婆 日日掛住玩有團火 我知有時係我手多 我摸都只係想你理我 所以我寫咗呢着歌 喺房入面默默播 [outro] 天光喇，請開眼 開咗幾局做狼冇得揀 希望你唔好嫌我煩 我只可以咁期盼 聽晚會被老婆揀 天黑喇，請閉眼 老婆夠鐘一齊瞓喇 [outro] 天光喇，請開眼 開咗幾局做狼冇得揀 希望你唔好嫌我煩 我只可以咁期盼 聽晚會被老婆揀 天黑喇，請閉眼 老婆夠鐘一齊瞓喇