阿姆斯特丹夜機

Heavy metal, cantopop, strong

March 24th, 2024suno

歌词

七月十五號凌晨，第一次去阿姆斯特丹。我想快啲瞓著，但兩點幾嗰陣，突然有飛機餐食，全機人都食緊，好難一個人唔食。於是我集中精神望窗外面，當時經過緊個地方，有好多一條條白色螢光嘅馬路，中間有啲紅色點成個地面得兩隻色，好似好科幻咁，喺唔知邊度。我諗起小學有次交功課，題目係當父母唔俾自己睇電視，作為子女應該點。我寫「我會看窗外鄰家的電視，雖然沒有聲音但好過沒有得看」結果班主任叫我對全班讀一次，羞辱我。但佢羞辱唔到我，我細個係無感覺嘅人。嗰日七月十四號，我先轉機去德國再去冰島，我飲晒杯好難飲嘅白酒，但都瞓唔著。呢幾年我住厭咗土瓜灣，有時搭小巴返去，我特登唔叫落車，等其他人嗌，我先落車，睇下會行幾遠路有次去到九龍城都未有人落，我先忍唔住叫有落，有時除咗買嘢食，我可以全日唔駛講嘢。去完旅行我會搬去深水埗，深水埗有啲拎住籠雀，戴住老夫子嘅帽，好似清朝嘅人。嗰日七月十四號，上機前我上咗一陣網，我已經有愛人，香港無我嘅事。