Hanuman Chalisha

dramatic, powerful, aggressive, rap, futuristic, epic, bass, drum

July 10th, 2024suno

Lyrics

श्रीगुरु चरन सरोज रज निज मन मुकुर सुधारि | बरनऊं रघुबर बिमल जसु जो दायक फल चारि || बुद्धिहीन तनु जानिके सुमिरौं पवनकुमार | बल बुधि विद्या देहु मोहिं हरहु कलेश विकार || जय हनुमान ज्ञान गुन सागर, जय कपीस तिहुँ लोक उजागर || रामदूत अतुलित बल धामा, अंजनि-पुत्र पवनसुत नामा || महाबीर विक्रम बजरंगी, कुमति निवार सुमति के संगी || कंचन बरन बिराज सुबेसा, कानन कुण्डल कुँचित केसा || हाथ वज्र और ध्वजा विराजे, काँधे मूँज जनेऊ साजे || जय हनुमान ज्ञान गुन सागर, जय कपीस तिहुँ लोक उजागर || शंकर सुवन केसरी नंदन, तेज प्रताप महा जग वंदन || विद्यावान गुनी अति चातुर, राम काज करिबे को आतुर || प्रभु चरित्र सुनिबे को रसिया, राम लखन सीता मन बसिया || सूक्ष्म रूप धरि सियहिं दिखावा, विकट रूप धरि लंक जरावा || जय हनुमान ज्ञान गुन सागर, जय कपीस तिहुँ लोक उजागर || भीम रूप धरि असुर सँहारे, रामचन्द्र के काज सँवारे || लाय सजीवन लखन जियाये, श्रीरघुबीर हरषि उर लाये || रघुपति कीन्ही बहुत बड़ाई, तुम मम प्रिय भरतहि सम भाई || सहस बदन तुम्हरो जस गावे, अस कहि श्रीपति कंठ लगावे || जय हनुमान ज्ञान गुन सागर, जय कपीस तिहुँ लोक उजागर || सनकादिक ब्रह्मादि मुनीसा, नारद सारद सहित अहीसा || जम कुबेर दिगपाल जहाँ ते, कवि कोविद कहि सके कहाँ ते || तुम उपकार सुग्रीवहिं कीन्हा, राम मिलाय राजपद दीन्हा || तुम्हरो मन्त्र विभीषन माना, लंकेश्वर भए सब जग जाना || जय हनुमान ज्ञान गुन सागर, जय कपीस तिहुँ लोक उजागर || युग सहस्र जोजन पर भानू, लील्यो ताहि मधुर फल जानू || प्रभु मुद्रिका मेलि मुख माहीं, जलधि लाँघि गये अचरज नाहीं || दुर्गम काज जगत के जेते, सुगम अनुग्रह तुम्हरे तेते || राम दुआरे तुम रखवारे, होत न आज्ञा बिनु पैसारे || जय हनुमान ज्ञान गुन सागर, जय कपीस तिहुँ लोक उजागर || सब सुख लहै तुम्हारी सरना, तुम रक्षक काहू को डर ना || आपन तेज सम्हारो आपे, तीनों लोक हाँक तें काँपे || भूत पिशाच निकट नहिं आवै, महाबीर जब नाम सुनावै || नासै रोग हरै सब पीरा, जपत निरंतर हनुमत बीरा || जय हनुमान ज्ञान गुन सागर, जय कपीस तिहुँ लोक उजागर || संकट से हनुमान छुड़ावै, मन क्रम वचन ध्यान जो लावै || सब पर राम तपस्वी राजा, तिनके काज सकल तुम साजा || और मनोरथ जो कोई लावै, सोई अमित जीवन फल पावै || चारों युग परताप तुम्हारा, है प्रसिद्द जगत उजियारा || जय हनुमान ज्ञान गुन सागर, जय कपीस तिहुँ लोक उजागर || साधु संत के तुम रखवारे, असुर निकन्दन राम दुलारे || अष्ट सिद्धि नौ निधि के दाता, अस बर दीन जानकी माता || राम रसायन तुम्हरे पासा, सदा रहो रघुपति के दासा || तुम्हरे भजन राम को पावै, जनम जनम के दुख बिसरावै || जय हनुमान ज्ञान गुन सागर, जय कपीस तिहुँ लोक उजागर || अन्त काल रघुबर पुर जाई, जहाँ जन्म हरिभक्त कहाई || और देवता चित्त न धरई, हनुमत सेई सर्व सुख करई || संकट कटै मिटै सब पीरा, जो सुमिरै हनुमत बलबीरा || जय जय जय हनुमान गोसाईं, कृपा करहु गुरुदेव की नाईं || जय हनुमान ज्ञान गुन सागर, जय कपीस तिहुँ लोक उजागर || जो शत बार पाठ कर कोई, छूटहि बंदि महा सुख होई || जो यह पढ़ै हनुमान चालीसा, होय सिद्धि साखी गौरीसा || तुलसीदास सदा हरि चेरा, कीजै नाथ हृदय महँ डेरा || पवनतनय संकट हरन, मंगल मूरति रूप | राम लखन सीता सहित, हृदय बसहु सुर भूप ||

Recommended

Donna my Love
Donna my Love

male, 50s, piano, Doo-Wop, banjo

When You're Not Around
When You're Not Around

classical orchestral romantic

Sol de Media Noche
Sol de Media Noche

pop sentimental poético

האם עוד נחזור
האם עוד נחזור

מוזיקה אלטרנטיבית

The Giggle Nun
The Giggle Nun

2000 techno, summer, happy, female singer

Sharped Strings
Sharped Strings

Rock hard, emotional damage, melodical

ليلة معاك
ليلة معاك

Arabic music, tarab music, Arabic Egypt dialect, flute, qanun, ambient, dreamy, soul

baby melody
baby melody

piano, violin, relaxing, bgm, good memorial, 80s, baby melody

Shadows of the Night
Shadows of the Night

doom hip-hop slow eerie deep bass female vocal alternative pop rock

Я русский
Я русский

female, pop, cinematic, melodic, sad, beat, drum

Anthem of Dissent
Anthem of Dissent

pop punk, easycore, males band

Oceans
Oceans

lofi , r&b , slow sad , vocale hamornie , female voice , atmosphérique , planant et évocateur

パーテーション (Partition)
パーテーション (Partition)

Super whispering, low, pounding, anxiety and anticipation,Rhythm, rap,rock, tar, emo, oi

Spooky Skulls
Spooky Skulls

rock electric eerie

Sempre Com Vocês
Sempre Com Vocês

emocional pop melódico

愛釋放手
愛釋放手

Lyrical pop, gentle melody, piano and guitar playing, emotional interpretation.